Sapport

Servizzi

Mhux kull ġurnata l-istess. Kapaċi jiġu ġranet fejn inħossuna tajbin, u oħrajn fejn kollox jinħass wisq diffiċli. Hu x’inhu dak li qed tħoss, hawn l-għajnuna. Jeżistu servizzi differenti ddiżinjati apposta biex jgħinuk.

Li tfittex l-għajnuna l-ewwel darba mhux bilfors xi ħaġa faċli. Ftakar li meta qed titkellem ma’ professjonist, qed titkellmu b’kunfidenzjalita`.

Hawnhekk għandek issib lista ta’ servizzi differenti li tista’ ssib lokalment. Jekk inti jew xi ħadd li taf qegħdin fil-periklu, importanti li ċċempel 112 għal għajnuna immedjata.

F’każ ta’ kriżi, tista tirċievi riferiment mid-Dipartiment tal-Emerġenza għas-servizz tal-Crisis Resolution Home Treatment. Dan huwa servizz b’xejn bi professjonisti differenti jaħdmu flimkien, li hu miftuħ mit-Tnejn sal-Ħadd bejn is-07:00 u s-18:00. Dan is-servizz jiġi pprovdut id-dar u fil-komunità, u jgħin biex inaqqas il-bżonn li persuna tidħol l-isptar minħabba problemi ta’ saħħa mentali. Għal iktar informazzjoni tista’ ċċempel fuq 23304500/1. 

Terapija

Hemm numru ta’ għażliet jekk tixtieq tibda terapija.

Jekk tixtieq taċċessa servizzi b’xejn permezz tas-sistema tista’ titlob riferiment minn tabib għal waħda mill-kliniċi tas-saħħa mentali.

Jekk inti student, tista’ tagħmel użu minn servizzi tal-counselling offruti mill-post fejn qed tistudja, bħal dawk offruti l-Ġ.F Abela Junior College, il-GCHSS, l-MCAST, jew l-University of Malta. Jekk taħdem, ikun tajjeb tiċċekkja il-post tax-xogħol tiegħek joffrix Employee Assistance Programme (EAP), bħal dak offrut mir-Richmond lil numru ta’ kumpaniji u entitajiet, jew l-Employee Support Programme (ESP) offrut lill-impjegati tas-servizz pubbliku.

Apparti minn hekk, entitajiet differenti joffru terapija b’xejn jew issusidjata (madwar €15 kull sessjoni) minn studenti tat-terapija. Is-sessjonijiet ikunu ma’ studenti tal-Masters fit-tielet u l-aħħar sena tat-taħriġ tagħhom, taħt superviżjoni minn terapista warranted. Dawn is-servizzi offruti mir-Richmond, Kellimni, l-Institute of Family Therapy Malta, ir-Rainbow Support Service għal individwi u familji LGBTIQA+, Victim Support Malta għal vittmi ta’ krimini, nies li esperjenzaw attakk sesswali jew li ġew affetwati mis-suiċidju u l-Care for Victims of Sexual Assault (CVSA).

Jekk xi ħadd jirrikomandalek professjonist, tajjeb li tiċċeekkja l-kwalifiki ta’ dak li jkun. Tista taċċessa r-Reġistru tal-Warrant tal-Psikoterapisti hawnhekk, ir-Reġistru tal-Warrant tal-Counsellors u  r-Reġistru tal-Warrant tal-Psikologi hawnhekk.

Jekk m’intix ċert min jista’ jkun l-aħjar professjonist għal bżonnijiet li tixtieq tindirizza, tista’ tikkuntattja l-helplines li hawn imniżżlin hawn fuq biex tieħu rakkomandazzjonijiet fuq l-esperjenza, it-taħriġ u l-ispeċjalizzazzjoni tal-professjonisti.

Gruppi

Dawn huma gruppi offruti minn NGOs li jaħdmu biex joffru spazju lil nies li għaddejin minn sitwazzjonijiet simili. Dawn il-gruppi joffru l-opportunita` li taqsam l-istejjer tiegħek u dak li għenek fi żmien diffiċli.

Fondazzjoni Richmond

Grupp għal nies li jbatu bl-Ansjetà

Sapport fejn jidħol Abbuż fuq Persuni Vulnerabbli

Dawn l-organizzazzjonijiet joffru sapport fejn ikun hemm sitwazzjoniet ta’ abbuż, u joffru anke sapport legali.

Assoċjazzjoni għas-Saħħa Mentali

7980 0080 (Malta, SMS Biss)

7959 3354 (Għawdex)

assistance@mhamalta.com

Tfal u Żgħażagħ

Dawn huma s-servizzi disponibbli għal tfal u żgħażagħ li qed jesperjenzaw problemi ta’ saħħa mentali.

Fondazzjoni Richmond

2258 6700